Die Homepage von Frank Kasper - La hempagino da Frank Kasper - La interretaj informoj de Frank Kasper

Vizito da Jose M. R. Hernandez de Hispania en Nuernberg


En venerdio, la 25ma di julio me povis renkontrar samideano Jose M. R. Hernandez kun spozino e du filii en mea hemurbo Nuernberg.

Ni renkontris en posdimezo kelka hori pos lia arivo de Berlin, ube li renkontris samideano Eberhard Scholz, avan la hotelo "Agneshof", ube Jose kun familiani lojis dum tri dii.

Ni komencis nia migrado tra l'anciena urbo di Nuernberg che la Chefa Merkato, ube ni eniris a la Kirko di Mulieri. L'expliko dil historio di ica kirko anke esas querebla en Esperanto. Survoye ad ibe me atencigis a la domo "Eckstein", ube olim impresigis l'unesma edituro dil revuo "La Esperantisto".

Pose ni iris a la Hans-Sachs-Placo, ube trovesas Hans-Sachs-monumento.
Me anke povas montrar a li arbo nomizita "Esperantoarbo", qua esis fondita da la Esperanto-Grupo de Nuernberg en mayo 2013 e qua depos lore kreskas ye la Hans-Sachs-Placo.
Pose ni vidis la monumento dil Juda sinagogo, qua destruktesis dum la progromi dil Nazisti.
Ni duris nia migrado tra la talnomizita "Mikra Venecia" ambalatere dil rivero Pegnitz.
Ni pasis la Karlsponto, la ponteto dil tormentisto e la ligna pordego.

Bild "joseennuernberg.jpg"







La fotografuro montras Jose e lua familiani sur la Karlsponto

















Sequis stradeto kun multa renovigita anciena domi, qua finas opozite a la domo, ube lojis un da la fondinti dil Esperanto-Grupo di Nuernberg, Leopold Einstein. Apud la pordego trovesas memorplako, quan Jose volunte fotografis.
Pose ni trairis la bela gardeno dil urbestro e juis la maxim bela regardo a l'anciena urbo.

Pro ke ni intertempe durstis ni sideskis a birgardeno kun agreabla regardo a la kastelo pro drinkar ula.

Pose ni trapasis la pordego "Tiergaertnertor" e vidis la kastelo dil norda latero, ube esas videbla kinangula turmo.

Ni trapasis la strado "Sep Linei", ube stacas sep domi akurate un dop l'altra e vidis la kasteleto dil familio Tucher.
Pro ke staciono dil l'unika automata metroo en Germania esis proxima ni uzis ica okaziono pro vehar kun ol de la Rathenauplaco til la opereyo. Jose e sua spozino tre juis ludar duktero dil metroo.
Ni kurte regardis l'opereyo e pose trapasis la Strado dil Homal Yuri. Ibe trovesas stelei, sur qua trovesas la Homal Yuri en la Germana e sur singla steleo ankore en un altra linguo e la Germana Nacionala Muzeo.

Ye la fino di nia migrado tra Nuernberg ni regardis la Blanka Turmo e la karuselo di gespozi, qua esas interesiva puteo kun multa figuri.

Pose ni retrovenis a la hotelo "Agneshof" ed adiis.

Me povas konstatar, ke me travivis agreablega posdimezo e vespero kun agreabla familio.



moziloCMS 1.11.2 | Sitemap | Letzte Änderung: La interreta loko de Frank Kasper (23.04.2017, 07:41:50)